Është arrestuar Sinisha Nedeljkoviq, pasi tentoi të ikte nga Kosova, ku ditë më parë dha dorëzani prej 30 mijë eurove pasi ishte arrestuar gjatë një operacioni të policisë ku u gjet drogë në veri të vendit më 23 maj të vitit 2022.

Kështu ka konfirmuar për Lajmi.net, zëvendësdrejtori i policisë për rajonin e veriut, Veton Elshani.

“Po ka tentu me lëshu Kosovën, edhe e kemi arrestu në Jarinje, pas konsultimit me prokurorin është dërguar në mbajtje për 48 orë”, ka thënë Elshani.

Gjykata Themelore në Prishtinë më 17 shtator ia caktoi masën e dorëzanisë, pas propozimit të Prokurorisë Speciale.

Nedeljkoviq dyshohej për veprat penale “Prodhimi, përpunimi i paautorizuar i narkotikëve, substancave psikotrope dhe analoge ose mjeteve, pajisjeve dhe materialit për narkotik” si dhe “Mbajtja në pronësi, kontroll ose posedim i paautorizuar i armëve”.