Shefja e diplomacisë kosovare Donika Gërvalla ka arritur në Nju Jork, ku në kuadër të Javës së Nivelit të Lartë të sesionit të 79-të të Asamblesë së Përgjithshme të Organizatës së Kombeve të Bashkuara do të zhvillojë takime me përfaqësues të lartë të shteteve dhe organizatave të ndryshme botërore.

Gërvalla do të jetë edhe pjesë e takimeve të ndryshme shumëpalëshe, në të cilat do të diskutohet mbi sigurinë rajonale, globale, politikën dhe ekonominë.

Së bashku me kryeministrin Albin Kurti, ministrja Gërvalla do të mbajë takime të ndryshme me komunitetin shqiptar në SHBA, përfaqësues të ndryshëm të shoqatave dhe mekanizmave të ndryshëm shoqërorë.