Pesë raste të dhunës në familje janë raportuar brenda 24 orëve të fundit në Kosovë.

Rastet kanë ndodhur në Prishtinë, Fushë Kosovë, Ferizaj dhe Pejë.

Rastet e raportuara në Policinë e Kosovës:

Prishtinë 15.09.2024 – 22:00. Është arrestuar i dyshuari mashkull  kosovar  pasi i njëjti në vazhdimësi kishte ushtruar dhunë fizike ndaj  familjarëve të tij. Me vendim të prokurorit i dyshuari është dërguar në mbajtje.

Fushë Kosovë 16.09.2024 – 17:35.  Viktima femër kosovare, ka raportuar se pas një mosmarrëveshje  në familje është sulmuar fizikisht nga bashkëshorti i saj, i cili është arrestuar dhe pas intervistimit me urdhër të prokurorit është liruar në procedurë të rregullt.

Ferizaj 16.09.2024 – 23:39. Viktima  femër kosovare ka raportuar se bashkëshorti i saj i – nën ndikim të alkoolit,  pas një mosmarrëveshje  ka filluar ta godas derën e  dhomës. I dyshuari është arrestuar dhe me vendim të prokurorit, është dërguar në mbajtje.

 Pejë 16.09.2024 – 11:00. Është arrestuar i dyshuari mashkull  kosovar  pasi i njëjti kishte sulmuar fizikisht djalin e tij. Me urdhër të prokurorit i dyshuari është liruar, rasti vazhdon të trajtohet në procedurë të rregullt.

Pejë  16.09.2024 – 18:33. Viktima femër kosovare ka raportuar se pas një mosmarrëveshje, bashkëshorti i saj ka ushtruar dhunë ndaj saj. I dyshuari është arrestuar dhe pas intervistimit me vendim të prokurorit, është dërguar në mbajtje.