Policia e Kosovës ka njoftuar se dje në ora 05:32, është raportuar se një person është gjetur pa shenja jete në oborrin e shtëpisë në Klinë.

Sipas njoftimit të Policisë thuhet se vdekjen e tij e ka konstatuar mjeku kujdestar dhe dyshohet se vdekja ka ardhë nga plaga e marrë nga arma e gjuetisë.

Derisa në vendin e ngjarjes është gjetur dhe konfiskuar një pushkë gjuetie me pesë fishekë.

“Me vendim të prokurorit trupi i pajetë është dërguar në IML për obduksion”, thuhet në raportin 24-orësh. /Lajmi.net/