Loriana Kuka, xhudistja e Kosovës, mes lotësh deklaroi se është duke i dhënë fund karrierës së saj.

Në një video e shpërndarë në “Facebook”, nga Komiteti Olimpik i Kosovës, Kuka deklaroi fundin e karrierës së saj në xhudo, shkruan lajmi.net.

“E kam nisur ditën shumë mirë, kam qenë shumë e fokusuar, jam shumë e lumtur që kam arritur luftën e parë ta fitoj. Në luftën e dytë, edhe aty kam qenë shumë e koncentruar, kam qenë në vetëdije se çfarë të bëj, por fati nuk deshi që të shkoj deri në çerekfinale”- tha ajo.

Kuka mes emocionesh tha se është krenare për punën e saj që ka bërë deri më sot.

“Po kam garuar me shumë lëndime, edhe për atë jam krenare, që kam arritur të bëj atë deri më sot, duke garuar me lëndime dhe nuk duke mos u ndalur kurrë”.

Mes lotësh Kuka deklaroi se i ka dhënë fund karrierës së saj në xhudo.

“Po, kjo ka qenë gara e fundit për mua, por jam krenarë për atë që kam arritur” – tha mes lotësh e emocioneve Loriana Kuka.

Në vitin 2021, ajo fitoi një nga medaljet e bronzta në garën e saj në Masters Botërore të Xhudos 2021 të mbajtur në Doha, Katar. Ajo konkurroi në garën 78 kg për femra në Lojërat Olimpike Verore 2020 në Tokio, Japoni.

Ajo fitoi medaljen e artë në 78 kg për femra në Lojërat Mesdhetare 2022 të mbajtura në Oran të Algjerisë.

Rekordi i medaljeve

2018

Vendi i parë, fitues i medaljes së artë Grand Prix − 78 kg, Antalia

Vendi i parë, fitues i medaljes së artë Grand Prix − 78 kg, Tashkent

Vendi i dytë, fitues i medaljes së argjendtë të Lojërave Mesdhetare − 78 kg, Tarragona

2019

Vendi i dytë, fitues i medaljes së argjendtë në Grand Prix − 78 kg, Tel Aviv

Vendi i dytë, fitues i medaljes së argjendtë në Grand Prix − 78 kg, Marrakech

Vendi i parë, fitues i medaljes së artë Grand Prix − 78 kg, Tbilisi

Vendi i 3-të, fitues/e bronztë i Lojërave Evropiane − 78 kg, Minsk

Vendi i 3-të, fitues i medaljes së bronztë në Kampionatin Botëror − 78 kg, Tokio /Lajmi.net/