Një qytetar ka adresuar një mashtrim që kanë tentuar t’ia bëjnë përmes rrjeteve sociale, duke pretenduar se ka fituar 1000 euro.

Ai tha se përmes rrjetit social Instagram, një person i njohur për të e ka kontaktuar duke i thënë se i ka fituar 1000 euro dhe i kanë kërkuar llogarinë bankare.

Pasi që vazhdimisht ka refuzuar t’ia tregoj llogarinë e bankës ai e ka vizituar personin edhe në lokal, i cili sipas tij po sa e ka parë atë është larguar nga lokali.

“Kam shku një ditë në lokal pa lajmërim, ka qenë ai me vëllezërit e vet, ka dal vëllau i tij edhe ai pretendojke se ju ka haku llogaria edhe dikush në emër të tij po i bën këto mashtrime”, ka thënë ai.

Ky qytetar i ka treguar gazetarit Oqean Dermaku, se nga ai moment nuk ka marrë mesazhe të tilla asnjëherë nga i njëjti person e i cili mendon edhe se është frikësuar.

Video: