Gjatë vizitës të kryeministrit grek në Ukrainë të Odessas, bashkë me presidentin ukrainas, Zelensky, një sulm ajror rus kishte ndodhur 500 deri 800 metra larg tyre ku po mbanin një takim liderët e dy shteteve.

Një hangar i dronëve në portin e Detit të Zi është goditur, ka njoftuar ministria ruse e Mbrojtjes.

Ndërsa SkyNews raportoi se pesë persona mbetën të vrarë nga sulmi me raketa i Rusisë.

“Ne jo vetëm që e dëgjuam por edhe e pamë sulmin e sotëm. E shihni se me kë kemi të bëjmë, atyre nuk u bëhet vonë se ku godasin”, ka thënë Zelensky.

Ndërsa nga ana e Rusisë shihet se kjo e fundit ka për qëllim ta eskalojë luftën edhe më shumë, duke goditur objektiva ushtarak, por në prezencë të liderëve të shteteve të tjera, që në të mbjellë frikë dhe me gjasë të ndalojnë ndihmat financiare dhe ushtarake për Ukrainën.