Forca e Sigurisë së Kosovës po merr pjesë në ushtrimin “Dynamic Front 24”, që organizohet nga Ushtria Amerikane për Evrope dhe Afrike për të përmirësuar ndërveprueshmërinë në fushën e Artilerisë dhe mbështetjes me zjarr ndërmjet shteteve të NATO-së dhe shteteve partnere të SHBA-së.

Ministri i Mbrojtjes, Ejup Maqedonci ka njoftuar për këtë ushtrim përmes rrjetit social Facebook.

“Forca e Sigurisë së Kosovës është duke marr pjesë në ketë ushtrim me një toge të mortajave dhe me oficer shtabor, krahas Ushtrisë Amerikane dhe Ushtrisë Turke, e cila është edhe mikepritese në ketë ushtirim për vitin 2024. Në nivel shtabor të ushtrimit po marrin pjese edhe Republika Çekisë dhe Sllovakisë”, ka shkruar Maqedonci.

Ai ndër të tjera ka shtuar edhe moton e 16 vjetorit të Pavarësisë së Kosovës, “Kosovë, ne të dalim zot”.  /Lajmi.net/

Postimi i plotë: