Një person është therur me thikë në Prizren gjatë mëngjesit të së hënës.

Viktima u godit me thikë nga një shofer i veturës, i cili doli nga makina dhe e goditi deri sa ishte duke ecur në këmbë.

Këtë e ka konfirmuar për lajmi.net, Shaqir Bytyqi, zëdhënës i policisë për rajonin e Prizrenit.

Ai tha se i dyshuari është në kërkim nga policia, ndërsa viktima është jashtë rrezikut për jetë.

“Sot rreth orës 09:00 në rrugën “Anakaraja”, në Prizren, pas një fjalosje në komunikacion, një person, pasagjer në një veturë del nga automjeti dhe godet me thikë këmbësorin i cili ishte duke kaluar rrugën. Viktima A.M. 27-vjeçar është jashtë rrezikut për jetë. Policia është duke marr me rastin dhe është duke punuar në identifikimin dhe arrestimin e kryesit të veprës”, tha Bytyqi për lajmi.net.