Lituanezi Zydrunas Urbonas nuk do të jetë më trajner i KB Sigal Prishtinës.

Lajmin e ka konfirmuar faqja zyrtare e klubit kryeqytetas në rrjetet sociale, shkruan lajmi.net.

Sigal Prishtina dhe Urbonas kanë ndërprerë bashkëpunimin me marrëveshje të dyanshme.

Deri në vendimin e ardhshëm të klubit, skuadrën do ta drejtojë Albert Sylejmani.

Bardhekaltrit e kanë falënderuar trajnerin lituanez për kontributin e dhënë deri më sot.

“Faleminderit Zydrunas Urbonas. KB Sigal Prishtina njofton se me marrëveshje të dyanshme është ndërprerë bashkëpunimi me trajnerin lituanez, Zydrunas Urbonas”.

“Trajnerin e falenderojmë për kontributin e dhënë deri më sot dhe se deri në një vendim të ardhshëm të klubit, skuadrën do ta drejtojë ndihmës-trajneri, Albert Sylejmani” – thuhet në njoftimin zyrtar të KB Sigal Prishtinës./Lajmi.net/