Mesfushori Jude Bellingham po kalon nëpër një formë të jashtëzakonshme te Real Madridi që prej kur u transferua verën e këtij viti.

Bellingham ka kontribuuar me gola dhe asiste në disa ndeshje duke qenë vendimtar në fitoret e Los Blancos, përcjell lajmi.net.

Reprezentuesi i Kombëtares së Anglisë në një deklaratë të tij ka theksuar se Real Madridi e ka përmisuar atë si lojtar.

Më tej, ai ka thënë se trajneri Carlo Ancelotti i ka dhënë lirinë për të cilën ai ka shtuar se e dëshiron.

“Të jem në Real Madrid më përmirësoi si lojtar, 100% e garantuar”.

“Të jesh rreth këtyre mentaliteteve dhe cilësisë së lojtarëve çdo ditë, të çon në një nivel të ri mendërisht, fizikisht dhe teknikisht”.

“E dua gjithashtu lirinë që më jep Ancelotti”, ka shtuar ai.

Bellingham, 20-vjeçar, u transferuar te Real Madridi këtë verë për mbi 100 milionë euro nga Borussia Dortmund.

Në 10 ndeshje sa ka zhvilluar në të gjitha garat, Bellingham ka shënuar 10 gola dhe ka dhuruar dy asiste./Lajmi.net/