Paraatleti Grevist Bytyqi ka arritur një tjetër sukses në karrierën e tij.

Bytyqi ka fituar medaljen e artë në disiplinën 1500 metra me atletët e rregullt në mitingun e mbajtur më 10 tetor (sot), shkruan lajmi.net.

Gara është mbajtur në stadiumin “Liman Gegaj” në Malishevë.

Grevist Bytyqi vite më parë kishte humbur krahun e tij të djathtë, por që kjo nuk e pengoi atë të arrijë suksese.

Ai në një rrëfim për lajmi.net pak kohë më parë foli në lidhje me aksidentin.

Përndryshe, Grevist Bytyqi ka siguruar pjesëmarrjen në Lojërat Paralimpike që mbahen vitin e ardhshëm./Lajmi.net/