Në mesin e largimeve të shumta nga Gjilani është edhe talenti me të ardhme të ndritur, Blend Krasniqi.

Krasniqi ka njoftuar zyrtarisht se është larguar nga kuqebardhët, duke falënderuar klubin dhe tifozët.

Pas largimit nga Gjilani, Blend Krasniqi i është bashkuar skuadrës së Dinamos në Tiranë.

Lajmi është konfirmuar për lajmi.net nga burime të sigurta.

Zyrtarizimi i Krasniqit te Dinamo Tirana do të bëhet së shpejti.

Dinamo Tirana bën gara në elitën e futbollit shqiptar këtë edicion.

Blend Krasniqi ishte pjesë e Gjilanit edhe në kategoritë e reja, por që edicionin e kaluar u ftua edhe në ekipin e parë për shkak të kualitetit që ai posedon./Lajmi.net/