Milani vazhdon të zhgënjejë në Serie A.

‘Rosoneri’ u nda baras 1:1 ndaj Salernitana, në ndeshjen e xhiros së 26-të në ligën italiane, shkruan lajmi.net.

Lojë më të mirë zhvilluan ‘Rosoneri’, pasi ishin të rrezikshëm në disa raste.

Mundësinë më të mirë e kishte Olivier Giroud, por që fillimisht nuk arriti të tund rrjetën e kundërshtarit.

Megjithatë, në kohën shtesë të pjesës së parë, francezi gjeti golin.

Pas një rivënie nga këndi, Giroud realizoi me kokë.

Në anën tjetër, Salernitana nuk ishin të rrezikshëm për portën e Mike Maignan.

Kështu pjesa e parë u mbyll 1:0 në favor të Milanit.

Në pjesën e dytë mysafirët arritën të barazojnë shifrat në ‘San Siro’.

Boulaye Dia ishte ai që tundi rrjetën e ekipit ‘kuqezi’ dhe barazoi shifrat në 1:1, në minutën e 61′.

Milani nuk arritën më pas të rikthejnë epërsinë e tyre.

Me këtë barazim Milani qëndron në pozitën e katërt me 48 pikë.

Salernitana në anën tjetër pozicionohen në vendin e 16 me 26 pikë në total./Lajmi.net/