Theo Hernandez është në radarin e Manchester City.

Mbrojtësi i Milan, i cili po aktivizohet me kombëtaren e Francës në Botërorin 2022, po merr vëmendjen e Manchester City.

Sipas ‘Calciomercato’, ‘Citizens’ po shterojnë të gjitha mundësitë për të transferuar lojtarin francez, përcjell lajmi.net.

Gjithsesi, transferimi nuk do të jetë i lehtë, pasi Theo nuk e sheh veten larg skuadrës së Milan.

Lojtari ka gjetur marrëveshje me Milanin për të zgjatur qëndrimin e tij në ‘San Siro’.

Theo luajti në krahun e majtë të mbrojtjes së Francës këtë Botëror, qysh nga ndeshja e parë, kur vëllai i tij, Lucas, pësoi një lëndim. /Lajmi.net/