Presidenti i UFC, Dana White ka dhënë disa komente negative për sportin e futbollit.

Futbolli qëndron si sporti më i popullarizuar dhe më i dashur në botë, por jo edhe për presidentin e UFC, Dana White.

White beson se futbolli është sporti që kërkon më së paku talent. Për këtë qëndrim të tij, ai ka disa argumente.

“S’mund ta duroj futbollin, mendoj se është sporti që kërkon më së paku talent. Ka një arsye pse mund të luajnë edhe trevjeçarët, në rregull? Ti vrapon rrotull dhe godet një top”, ka thënë White, përcjell lajmi.net.

“A e dini sa i patalentuar duhet të jesh për të marrë tri pikë, me një goditje në një portë që është aq e madhe”, ka shtuar presidenti i UFC.

Përkundër komenteve të Dana White, futbolli vazhdon të jetë sporti më i shikuar. Këtë e konfirmojnë edhe statistikat e fundit nga Katari 2022, ku po zhvillohet Kupa e Botës. /Lajmi.net/