Është mbyllur edhe gara e fundit e sezonit në Formula 1.

Abu Dhabi Grand Prix shënoi mbylljen e sezonit 2022 në Formula 1, sezon ky i dominuar nga skuadra e Red Bull, me Max Verstappen që u shpall kampion dhe vendosi rekord fitoresh brenda një sezoni, shkruan lajmi.net.

Gara e fundit e F1 këtë sezon do të përcaktonte nënkampionin. Sergio Perez dhe Charles Leclerc garuan gjatë gjithë kohës për pozitën e dytë.

Në fund, piloti i Ferrari doli triumfues dhe siguroi pozitën e dytë edhe në klasifikim të përgjithshëm.

Mercedes me bolidin W13 përmblodhi më së miri sezonin, kur bolidi i Hamilton bllokoi në fund, duke pasur probleme me ndërruesin e shpejtësive.

Lewis Hamilton dhe Mercedes nuk arritën të marrin asnjë fitore këtë edicion.

Njëkohësisht, sot Sebastian Vettel bëri garën e tij të fundit në karrierën e tij në Formula 1. Ai pensionohet pas kësaj gare. /Lajmi.net/