Bad News Eagles, falë tri fitoreve radhazi në po aq ndeshje të luajtura në IEM Road to Rio, kanë arritur të kualifikohen në fazën “Legends” të kompeticionit.

Skuadra kosovare i kaloi më lehtë sesa që pritej kundërshtarët, pas performancave briliante në të tri përballjet.

Përderisa faza pasuese nuk ka filluar akoma, lojtarët kanë ende kohë për ta festuar kualifikimin.

Pos rezultatit të bujshëm, ajo që po merr vëmendje jo pak është edhe mënyra se si Juanflatroo dhe RigON kanë zgjedhur t’i gëzohen këtij suksesi.

Dyshja janë treguar të zotë edhe në vallëzim.

Në videon e publikuar nga vetë faqja e BNE, ata shihen teksa kërcejnë nën ritmin e këngës “Valle kosovare” nga Shpat Kasapi.

Më poshtë gjeni videon e plotë. /Lajmi.net/

Legends mood!#bNE? #IEM pic.twitter.com/lsaSwP5tOR

— BAD NEWS EAGLES @IEM RIO MAJOR ?? (@_badnewseagles) November 2, 2022