Turneu më i madh për klube në CS: GO “IEM Road to Rio” tashmë ka filluar.

Skuadrat pjesëmarrëse tashmë i kanë luajtur ndeshjet e para, për të cilat e kanë siguruar një shumë të konsiderueshme parash, transmeton lajmi.net.

Në fazën ku gjenden tani, pjesë e së cilës është edhe Bad News Eagles, ekipet i kanë siguruar hiç më pak se 20 mijë euro.

Gjithsesi, me ngushtimin e numrit të skuadrave, edhe premia rritet.

Raundet pasuese garantojnë shuma edhe më të mëdha.

Vendi i tetë, deri në vendin e pestë, do të marrin hiç më pak se 45 mijë dollarë, ndërsa për podiumet shpërblimet “kërcasin” edhe më shumë.

Pozita e katër dhe e tretë do t’i fusin në xhep 80 mijë dollarë, vendi i dytë 170 mijë, teksa për të parin garantohen hiç më pak se 500 mijë dhe pjesëmarrja në dy turne të tjera, e që janë “Blast Premier Final 2022” dhe “IEM Katowice 2023”.

Mbetet të shihet se cili do të jetë pozicioni final i skuadrës kosovare, BNE./Lajmi.net/