Ismet Munishi ka folur pas ndeshjes që skuadra e tij, Prishtina, e luajti ndaj Dritës, në kuadër të Superligës së Kosovës.

“Djali i Prishtinës”, siç po preferon ta quajë veten së fundi, u nda i kënaqur me performancën ekipore, anipse dha fjalë të mëdha para takimit.

“Ka një atmosferë të mirë brenda klubit. Ishte si një lojë shahu Drita është një skuadër e fortë, duhet ta kemi të qartë. Ne e kemi ditur kë do ta kemi përballë”, tha fillimisht ai.

“I përgëzoj djemtë për angazhimin. Është duke na munguar pasimi i fundit, mirëpo jemi duke punuar”, tha ndër të tjera Munishi. /Lajmi.net/