Fernando Alonso është bërë pishman për deklaratat e tij në garën e kaluar.

Alonso dhe Lewis Hamilton u përfshinë në një aksident në garën e Belgjikës dhe në afekt, spanjolli kishte thënë se Hamilton është një pilot që di të garojë vetëm kur starton nga pozita e parë.

Britaniku nuk kishte komentuar këto deklarata, për të cilat tani edhe vet Alonso është bërë pishman.

“Së pari, Lewis është kampion, ai është legjendë e kohës sonë (..) po, i kërkoj falje”, ka thënë Alonso, transmeton lajmi.net.

“Nuk isha duke menduar ato që flisja. Nuk mendoj se ka shumë për të fajësuar në atë moment, të jem i sinqertë, pasi pash përsëritjet e videos”, shtoi spanjolli.

Alonso dhe Hamilton akoma nuk kanë marrë fitore këtë edicion në Formula 1 dhe këtë do ta kërkojnë në garën e ardhshme, ndonëse nuk shihen si favoritë. /Lajmi.net/