Milani nuk ka arritur të marrë më shumë se një barazim ndaj Sassuolos në ndeshjen e vlefshme për xhiron e katërt të Serie A.

Përkundër disa përpjekjeve, “Rossonerët” nuk bënë mjaftueshëm për t’u kthyer në Milano me pikë të plota.

Në fakt, ishte Maignan ai që e shpëtoi skuadrën nga një disfatë teksa në pjesë të parë arriti ta ndalë një penallti të gjuajtur nga Berrardi.

Si përfundim, “kuqezinjtë” nuk e mbërthejnë vendin e parë, duke e lënë garën e hapur për liderin e xhiros.

Pas pak minutash do të luajë Interi që do të synojë ta shfrytëzojë këtë lëshim nga komshinjtë e të njëjtit qytet. /Lajmi.net/