Lewis Hamilton ka thënë disa fjalë për aksidentin e shkaktuar në Grand Prix të Belgjikës.

Piloti britanik mbylli garën qysh në xhiron e parë, pasi u përplas me pilotin spanjoll, Fernando Alonso.

Pas garës, Hamilton ka pranuar se ishte faji i tij për aksidentin, por nuk ka komentuar kritikat e Alonso, i cili kishte thënë në radio se Hamilton di të garojë vetëm kur s’ka kundërshtarë përpara.

“Nuk ka lidhje çfarë ka thënë Alonso, nuk më intereson”, ka thënë Hamilton, transmeton lajmi.net.

“Siç thash, ishte faji im. Nuk e kam parë atë, ishte në këndin e vdekur”, shtoi britaniku.

Fernando Alonso vazhdoi garën dhe mori pozitën e pestë në Belgjikë, derisa për Hamilton dëmet ishin të mëdha për ta vazhduar garën. /Lajmi.net/