Anthony Joshua ka mbajtur një fjalim emocionues mbrëmë pasi u mposht edhe në revansh nga boksieri ukrainas, Oleksandr Usyk.

Në fjalimin pas meçit, ai mori mikrofonin për të folur dhe i tha Usyk “po e vjedh këtë, më vjen keq, është për shkak të pasionit që kemi vënë në këtë”.

Më tutje, Joshua është shprehur se ka punuar shumë për këtë ndeshje dhe se ajo u dëshmua mbrëmë.

“Ky djalosh të më mposhtë sonte, ndoshta mund të kisha bërë më mirë, por kjo tregon nivelin e punës së palodhur që kam bërë, kështu që ju lutem duartrokitni për kampionin tonë botëror të peshave të rënda”, tha Joshua.

Më tutje, ai u shpreh se nuk është boksier i 12 rundeve dhe se është një lloj tjetër i boksierit të peshave të rënda.

Pas kësaj, Joshua sërish i drejtohet Usyk me fjalët: “Sa rripa ke tani vëlla, pesë?”.

“Unë isha duke studiuar Ukrainën dhe të gjitha kampionët e mrekullueshëm që kanë ardhur nga ju, jeni një vend i mrekullueshëm vëlla. Unë nuk kam qenë kurrë atje – por në të njëjtën kohë ajo që po ndodh atje është – nuk e di çfarë po ndodh atje – por nuk është mirë në fund të ditës”, tha Joshua.

Duke lavdëruar edhe boksierët si Lomachenko e Klitschko që janë ndeshur kur vendi i tyre ishte në gjendje të rëndë, Joshua shton në listë edhe Usyk.

“Kampion! Kampion! Kampion!”, përfundon Joshua. /Lajmi.net/ 

“?????????? ??? ???????!” ?

Anthony Joshua takes the microphone to vent his frustrations before congratulating Oleksandr Usyk ?pic.twitter.com/1v7YS8Sl2y

— Sky Sports (@SkySports) August 21, 2022