Milan duket se do të ndalet me kaq sa i përket ofertave drejt Club Brugge.

Raportimet e fundit nga ‘Sport Mediaset’ bënin të ditur se Milan po përgatiste një ofertë që shkonte në 33 milionë euro, përfshirë bonuset dhe një 10% për Brugge, në rast të shitjes së kartonit të De Ketelaere.

Megjithatë, ‘Calciomercato’ thotë se Milan mbetet në ofertën e fundit prej 30 milionë eurove plus 2 milionë të tjera si bonuse, përcjell lajmi.net.

Drejtorët e klubit nuk janë pro rritjes së ofertës dhe tani klubi po shqyrton alternativat për krahun e djathtë.

Leeds United kanë ofruar 37 milionë euro për CDK dhe mund të jenë destinacioni i ardhshëm i lojtarit, nëse Club Brugge nuk ndryshon qëndrim.

Hakim Ziyech është një nga emrat më të përfolur për t’u transferuar te Milan, nëse De Ketelaere dështon. /Lajmi.net/