Franck Kessie dhe Andreas Christensen janë dy lojtarët me të cilët Barca ka arritur marrëveshje tash e sa kohë.

Prezantimi i tyre nuk është bërë akoma si pasojë e disa procedurave që pësuan ngecje, por ato do të bëhen gjatë javës tjetër.

“Ne do ta prezantojmë Kessie të mërkurën dhe Christensen të enjten”, ka thënë Laporta, transmeton lajmi.net.

Të dy lojtarët Barcelona i siguroi si transferime të lira, pasi ata mbyllën kontratat me klubet paraprake.

Christensen ishte pjesë e skuadrës së Chelsea, kurse Kessie ishte pjesë e Milan. /Lajmi.net/