Sipas trajnerit “blaugrana”, francezi mund të bëhet njëri ndër anësorët më të mirë në botë dhe se do nënshkruante kontratën e lojtarit menjëherë nëse do të kishte mundësi.

“Ai mund të jetë ndër më të mirët në botë në pozitën e tij. Klubi po punon për të tashmën dhe të ardhmën. Dembele është një lojtar i rëndësishëm për ne dhe shpresoj që ai do të qëndrojë këtu. Do t’ia nënshkruaja kontratën menjëherë”, u shpreh Xavi, shkruan lajmi.net.

Sipas Xavit, lojtari është shumë i motivuar dhe profesional.

“Nuk e di se si ka qenë në të kaluarën, por unë e shoh atë mjaft të përkushtuar dhe të motivuar. Nuk është befasi edhe nëse e shoh atë duke ardhur në trajnim edhe në ditët e tij të pushimit. Ai është shumë profesional”, shtoi tutje trajneri.

Nëse nuk nënshkruan, Dembele largohet nga “Camp Nou” me parametra zero gjatë verës, pasi i skadon kontrata. /Lajmi.net/