Ylli gjerman është në muajt e fundit të kontratës së tij me Bayern dhe akoma nuk ka marrë ndonjë propozim për rinovim kontrate.

Kjo situatë e ka shtyrë lojtarin të mendojë për një largim të mundshëm nga ‘Allianz Arena’. Sipas ‘Goal’, Gnabry ka dy pista më të mundshme; Liverpool dhe Real Madrid, transmeton lajmi.net.

Gjermani ka qenë lojtar kyç te Bayerni qëkur iu bashkua klubit në vitin 2017.

Gnabry regjistron 61 gola dhe 40 asiste në 163 ndeshje të luajtura me bavarezët.

26 vjeçari ka fituar 10 trofe në ‘Allianz Arena’, përfshirë Champions League, dhe tani është gati të nis një aventurë të re. /Lajmi.net/