Real Madrid nuk e sheh Barcelonën në garë për Haaland – Man City rivali i vetëm
Real Madridi po përgatitet të përshpejtojë ndjekjen e sulmuesit të Borussia Dortmundit, Erling Haaland, sipas “El Chiringuito”.
Sport
“Los Blancos” e dinë se norvegjezi dëshiron të vijë në “Santiago Bernabeu” dhe besojnë se i vetmi rival për këtë nënshkrim është Manchester City, pra ata nuk e shohin Barcelonën si një kërcënim të vërtetë, transmeton lajmi.net.
Historia gjatë gjithë kohës ka qenë se Kylian Mbappe i Paris Saint-Germain ishte objektivi numër një i Madridit, edhe pse donin Haaland, prioriteti i tyre ishte francezi.
Por, tani duket se janë duke u përgatitur për të ndjekur Haaland me të vërtetë dhe janë të përgatitur të ‘luftojnë’ me Man Cityn deri në fund.
Haaland, 21 vjeç, iu bashkua Dortmundit në vitin 2020 dhe raportohet gjerësisht se ka një klauzolë jozyrtare lirimi në kontratën me klubin gjerman që hyn në fuqi këtë verë në rajonin prej 75 milionë euro. Kjo është gjysma e vlerës së norvegjezit në “Transfermarkt”, që është 150 milionë euro.
Haaland ka shënuar 80 gola në 79 ndeshje për Dortmundin dhe 12 në 15 paraqitje për Kombëtaren e Norvegjisë./Lajmi.net
⌛️ "El REAL MADRID sabe que HAALAND quiere JUGAR en el REAL MADRID"
🚨 "Cree que su ÚNICO RIVAL es el CITY, NO el BARÇA"
‼️ Lo está contando @jpedrerol en EXCLUSIVA en #ChiringuitoHaaland pic.twitter.com/c6tGBPdNan
— El Chiringuito TV (@elchiringuitotv) March 3, 2022