Ka shumë raporte që McKennie është diagnostikuar me një frakturë të dyfishtë në këmbën e tij të majtë pas barazimit 1-1 të Ligës së Kampionëve ndaj Villarreal.

Trajneri Massimiliano Allegri konfirmoi se lojtari i Shteteve të Bashkuara ishte dërguar në spitalin lokal për një radiografi menjëherë pas ndeshjes në La Ceramica, transmeton lajmi.net.

Sipas informatave do të jetë një pushim mjaft i gjatë për 23-vjeçarin dhe është plotësisht e mundur që sezoni i tij të ketë përfunduar tashmë.

McKennie ka bërë 28 paraqitje për Juventusin këtë sezon midis Serie A, Ligës së Kampionëve, Coppa Italia dhe Superkupës së Italisë. Ai ka shënuar gjithsej 4 gola./Lajmi.net/