Laporta optimist: Me barazimin e Real Madridit, edhe ne jemi në garë për titull
Presidenti i Barcelonës, Joan Laporta, është optimist se mund të arrijnë të fitojnë titullin kampion këtë edicion.
Sport
Pavarësisht që ndodhen 16 pikë me një ndeshje më pak të zhvilluar, larg “Los Blancos”, Laporta është optimist se janë në garë për titull, përcjellë lajmi.net.
Sipas tij, barazimi i Real Madridit dhe Villarrealit është arsyeja pse janë ende në garë për titull.
“Me barazimin e Madridit ka një garë për titull. Unë kam qenë gjithmonë optimist nga natyra dhe mendoj se kemi një shans”.
“Është e vështirë për një ekip të ruajë qëndrueshmërinë gjatë një sezoni dhe është më mirë për ne të mendojmë për ndeshjet e ardhshme, ato janë thelbësore”, deklaroi ai.
Ndërkohë, Barcelona sonte (e diele) do zhvillojnë përballjen ndaj Espanyol./Lajmi.net/