“Kuqezinjtë” duhet të nënshkruajnë me një qendërmbrojtës të ri pas lëndimeve të Simon Kjaer dhe Fikayo Tomorit, dhe ata duhet të veprojnë shpejt pasi kanë mbetur vetëm 16 ditë në afatin kalimtar. Ndërsa nuk kanë mungesë idesh, është e vështirë të gjesh marrëveshjen e duhur.

Siç raportohet nga ‘La Gazzetta dello Sport’, Milani është ende i interesuar për të blerë Bailly dhe tani një marrëveshje duket dukshëm më e arritshme. Manchester United në dukje ka ndryshuar mendje dhe ata tani janë të hapur për një marrëveshje huazimi, formula e preferuar e ‘kuqezinjve’.

Opsioni alternativ për momentin është Abdou Diallo i Paris Saint-Germain, edhe pse do të ishte një marrëveshje më e vështirë pasi parisienët duan vetëm një shitje përfundimtare.

27-vjeçari Bailly ka bërë vetëm katër paraqitje në Premier League këtë sezon për Manchester United, për gjithsej 217 minuta. Kontrata e tij skadon me ‘Djajtë e Kuq’ në vitin 2024. /Lajmi.net/