‘Calciomercato.com’ dhe ‘Sportmediaset’ raportojnë se mbrojtësi danez ka dëmtuar ligamentet në gjurin e tij të majtë dhe për këtë arsye, nesër do t’i nënshtrohet një operacioni në Milano.

Kjaer u largua nga fusha pas katër minutash në Genoa-Milan mbrëmë dhe iu nënshtrua ekzaminimeve mjekësore në Milano mëngjesin e sotëm.

Stefano Pioli pranoi se ishte i shqetësuar nga gjendja e Kjaer dhe lojtari mbërriti në Clinica Columbus në Milano me paterica.

Sipas ‘Calciomercato.com’, Kjaer do t’i nënshtrohet një operacioni artroskopik për të riparuar dëmtimin e ligamenteve të tij.

“Kuqezinjtë” pritet të ofrojnë një përditësim të fitnesit në lidhje me qendërmbrojtësin e tyre në orët e ardhshme.

Reprezentuesi danez ka nënshkruar së fundmi një zgjatje të kontratës dyvjeçare me Milanin dhe u rendit i 18-ti në Topin e Artë të hënën.

Kjaer iu bashkua Milanit në një transferim të përhershëm nga Atalanta në janar 2020 dhe ka luajtur 72 ndeshje me gjigantët e Serie A. /Lajmi.net/