“Ylli i Javës” për xhiron e 15-të në BKT Superligë është shpallur futbollisti i Drenicës, Kreshnik Uka, transmeton lajmi.net.

Qendërsulmuesi drenicas shënoi tre gola në përballjen e ekipit të tij me FC Llapi, duke u bërë lojtari i parë i cili ka shënuar hat-trick në këtë edicion.

Uka ka realizuar gjithsej 9 gola, duke u radhitur në listën e golashënuesve më të mirë të BKT Superligës, deri më sot, e njëkohësisht duke qenë lojtari më produktiv i ekipit të tij, FC Drenica.

Kjo është hera e dytë që Kreshnik Uka shpallet “Ylli i Javës”, ngase herën e parë këtë çmim e ka fituar në javën e 9-të. /Lajmi.net/