Vera është një stinë e nxehtë, e cila vazhdimisht provokon etje. Edhe pas tre dusheve me ujë të ftohtë, asgjë nuk të freskon më shumë se çaji i ftohtë.

Dhe nëse pjesa më e madhe e njerëzve e kanë kollaj një çaj të ftohtë, kjo është një zgjidhje klasike, nga e cila mund të shkëputesh për të gjetur një më natyrale.

Mentja dhe nenexhiku janë bimë që e bëjnë çajin më të freskët dhe më të shëndetshëm. Në të gjitha shtëpitë njihet si ilaçi që qetëson çdo lloj ankese, si tretjen e ushqimit, të vjellat, por edhe problemet me zorrët, ka efekt qetësues, madje edhe e ndihmon trupin të freskohet dhe të mos djersijë.

Përveç kësaj, mentja është një bimë e ëmbël dhe ka aromë si çamçakëz me mente. Këshillohet sidomos për njerëzit që nuk pijnë shumë ujë, sepse i mban për një kohë të gjatë të hidratuar.

Përbërësit (për 4 persona)

4 degë nenexhik i freskët

2 lugë gjelle mente e grirë (nëse nuk ke të thatë, edhe të freskët – opsionale)

1 lugë gjelle mjaltë

2 feta limoni, (1/2 limon)

Në 500 ml ujë të freskët, hidh përbërësit e mësipërm. Përzieji bashkë për disa minuta. Hidh gjethet e mentes, shtypi me lugë për të nxjerrë aromë, por edhe lëngje, dhe lëri ashtu për 5 minuta të tjera.

Fute në frigorifer ose shërbeji me akull, duke e zbukuruar gotën me një copë limoni dhe degëz nenexhiku. /Lajmi.net/