Flick që fitoi të gjithë trofetë e mundshëm brenda një edicioni me “Bavarezët” është duke shpresuar t’i ndërprehet kontrata me qëllim që të marrë stolin e Kombëtares së Gjermanisë, përcjellë lajmi.net.

Bayern fillimisht ka refuzuar ta largojë Flick, por tani është në negociata me trajnerin, derisa kanë gjetur edhe pasuesin.

Bëhet fjalë për trajnerin e RB Leipzigut, Julian Nagelsmann që ka ndërtuar skuadër shumë të mirë te klubi gjerman, derisa edicionin e kaluar arriti deri në gjysmëfinale të Ligës së Kampionëve.

Bayern dëshiron që Nagelsmann të jetë pasuesi i Flickut dhe Leipzig do ta lejojë të largohet, por vetëm nëse paguhen plotë 30 milionë euro.

Kjo vlerë për bordin e Bayernit është duke u cilësuar mjaftë e lartë, por vendimi përfundimtar do kuptohet në fund të edicionit./Lajmi.net/