Spanjolli erdhi nga banka rezervë për të shënuar menjëherë gol në fitoren 3-0 ndaj Spezias, shkruan lajmi.net.

“E rëndësishme është që fituam tre pikë. Ka shumë ndeshje për tu zhvilluar, ne duhet të përqendrohemi në ndeshjen e ardhshme dhe pikët që janë në dispozicion, ”tha Morata për Sky Sport Italia.

“Gjithkush që e njeh futbollin e kupton që një fitore sjell besim, entuziazëm dhe një atmosferë të shkëlqyer në dhomën e zhveshjes. Kjo është e rëndësishme. Ne jemi duke punuar për të fituar këtu”, tha reprezentuesi i Spanjës.

Ky ishte goli i parë i Morata në 73 ditë dhe ai pati probleme edhe këtë javë në seancat stërvitore për shkak të një infeksioni viral të quajtur citomegalovirus. Ai gjithashtu po kollitej dhe po kishte probleme me frymëmarrje gjatë gjithë intervistës pas ndeshjes.

“Më ka marrë malli për të shënuar gola, por mbi të gjitha kam humbur ndjenjën e forcës, pasi për tre javët e fundit të jem i sinqertë nuk jam ndjerë aspak mirë”, tha ai.

“Ne jemi duke punuar për të fituar, nëse nuk fitojmë këtë sezon, atëherë do t’i përgëzojmë fituesit, por derisa të ketë një shans matematikor, ne do të japim gjithçka në fushë”, përfundoi ai./Lajmi.net/