Fitim Haziri, Sarada Bogujevci dhe Vendenis Lahu janë tre kandidatët me më së shumti vota nga kjo degë, të cilët do të jenë në listën e LVV-së.

Kështu është bërë e ditur përmes një njoftimi për medie nga LVV-ja.

“Këshilli i Qendrës së Lëvizjes VETËVENDOSJE! në Besianë, sot e ka mbajtur mbledhjen e jashtëzakonshme për të zgjedhur kandidatët për deputetë nga Qendra e Besianës, në zgjedhjet e jashtëzakonshme që do të mbahen me 14 shkurt. Anëtarët e Këshillit të Qendrës në një proces tranparent e demokratik, kanë votuar për të zgjedhur kandidatët për deputetë dhe tre kandidatët më të votuarit nga ky proces janë: Fitim Haziri, Saranda Bogujevci dhe Vendenis Lahu”, thuhet në njoftim.

Po ashtu, Këshilli i Qendrës së Lëvizjes Vetëvendosje atje, me shumicë votash zgjodhi edhe Kryesuesin e Grupit të Asamblistëve në Podujevë, Florent Hasani.