Jesy Nelson ka vendosur të largohet përkohësisht nga Little Mix, shkruan Daily Mail, transmeton lajmi.net.

Këngëtarja, 29 vjeçe, po bën një ‘pushim të zgjatur’ nga grupi i vajzave për shkak të ‘arsyeve private mjekësore’, pasi së fundmi humbi drejtimin e MTV EMA dhe një paraqitje në finalen e shfaqjes së grupit të saj, The Search.

Një përfaqësues i bendit tha: ‘Jesy po zgjat pushim nga Little Mix për arsye mjekësore private.’

“Ne nuk do të lëshojmë ndonjë koment të mëtejshëm aktualisht dhe do t’i kërkojmë medieve  të respektojnë privatësinë e saj në këtë kohë”, shton ai.

Pushimi i Jesyt vjen pas suksesit të madh të Little Mix, me albumin e tyre të ri ‘Confetti’ si dhe shfaqjen e tyre ‘Little Mix: The Search’, ku garuan me një numër bendesh.

Jesy ka qenë anëtare e grupit të vajzave që nga formimi i tyre në X-Factor më 2011, së bashku me Perrie Edwards, 26 vjeçe, Leigh-Anne Pinnock, 29 vjeçe dhe Jade Thirlwall, 27 vjeçe.

Dy javë më parë Jesy u detyrua të tërhiqej nga finalja e “Little Mix: The Search”, pasi u sëmur.

Ajo gjithashtu nuk ishte në gjendje të ishte nikoqire e MTV EMA, ose të performonte së bashku me shoqet e saj të grupit siç ishte planifikuar. /Lajmi.net/