Lukaku udhëton që t’i bashkohet Kombëtares së Belgjikës
Sulmuesi i Interit, Romelu Lukaku do jetë i pranishëm me Kombëtaren e Belgjikës për ndeshjet e nëntorit.
Sport
Autoritetet lokale i kanë dhënë belgut dritën e gjelbër që t’i bashkohet Kombëtares për dy ndeshjet tejet të rëndësishme në Ligën e Kombeve, transmeton lajmi.net.
Pas miqësores ndaj Zvicrës, Belgjika do përballet me Anglinë dhe Danimarkën.
Sipas HLN, Lukaku do udhëtojë me aeroplan privat për në Belgjikë, derisa ky lajm nuk i ka pëlqyer Interit.
Lukaku ka shënuar pesë gola në gjashtë ndeshjet të Seria A këtë edicion, por humbi dy ndeshjet ndaj Parmas dhe Real Madridit shkaku i lëndimit.
Mbetet të shihet nëse Lukaku do zhvillojë minutat me Belgjikën në këto tri sfida të rëndësishme./Lajmi.net/