Ylli spanjoll, i cili te Bayern Munich aktivizohet në rolin e mesfushorit, ka pësuar një lëndim që do ta mbajë jashtë fushave të blerta për disa javë.

Trajneri i bavarezëve, Hansi Flick, ka folur së fundmi lidhur me situatën e lojtarit.

“Thiago duhej t’i nënshtrohej një operimi. Ai kishte intervenim në ije”, ka thënë Flick, transmeton lajmi.net.

“Ai do të mungojë për rreth tri javë”, ishin fjalët e trajnerit të kampionëve të Bundesliga.

Bayern Munich thuajse e ka të mbyllur punën e titullit të kampionit, kështu që mungesa e Thiago nuk pritet t’i hap shumë telashe. /Lajmi.net/