Van de Beek është i vendosur për t’u larguar nga Amsterdami këtë verë, me Madridin që gjatë 12 muajve të fundit ishte lidhur shumë me holandezin , pas formës së tij me Ajaxin sezonin e kaluar.

Sidoqoftë, Gronkjaer beson se 23-vjeçari do të ishte më i përshtatshëm për futbollin anglez për shkak të atributeve të tij si Frank Lampard si mesfushor.

“Unë nuk do të befasohem kur e shoh në Real Madrid ose Barcelona por do të preferoja ta shikoja atë në një klub pak më të vogel”, tha danezi për Goal, transmeton lajmi.net.

“Për stilin e tij të të luajturit vetëm, klubet si Tottenham ose Chelsea do të ishin më mirë”.

“Janë klube të mëdha dhe ai është më shumë si Frank Lampard, ai lloj lojtar. Ai është një djalë i madh, luan afër zonës, por ai nuk është aq i talentuar teknikisht sa lojtarët e tjerë që kanë ardhur nga Ajax. Ai është një lojtar nga i cili gjithmonë mund të merrni një nivel të caktuar”, u shpreh ai. /Lajmi.net/