Tërheqja e shortit për 1/16-ën e finales së Ligës së Evropës ka vënë përballë njëra tjetrës skuadrën e Inter dhe atë të Getafe.

Pas shortit, disa komente ka dhënë edhe ikona e Inter, Javier Zanetti, i cili ka vlerësuar Getafen si një skuadër mjaft të mirë, e cila duhet respektuar.

“Getafe janë një skuadër e vështirë. Ne do të përgatitemi sikur për secilën ndeshje” ka thënë Zanetti, transmeton lajmi.net.

“Ne do t’i respektojmë ata shumë. Ata janë në pozitën e pestë në La Liga. Mendoj se do të marrë shumë koncentrim” ka shtuar argjentinasi.

Inter dhe Getafe do të përballen me njëra tjetrën për herë të parë në histori të skuadrave. /Lajmi.net/