Mbrojtësi nga Shqipëria po zhvillon një sezon fantastik me me Hellas Veronën kështuqë interesimet për të nga gjigandët evropianë nuk kanë munguar.

Interi, në qoftë se dëshiron t’i sigurojë shërbimet e 20- vjeçarit, duhet ta planifikojë konkurrencën e ashpër që do të ketë me klubet e mëdha evropiane për kartonin e futbollistit – çka pritet të jetë një problem i madh për liderin e Serie A, përcjell lajmi.net.

Manchester City, Bayern Munich, Manchester United dhe Everton janë vetëm disa nga skuadrat që kanë shprehur interesim për mbrojtësin e talentuar.

Shuma që pritet të ofrojë Interi për për klubin veronez pritet të jetë 11.9 milionë funte, e cila me gjasë do të rritet marrë parasysh konkurrencën për përfaqësuesin e kombëtarës shqiptare.

Kumbulla ka qenë titullar i padiskuteshëm te skuadra italiane, tek e cila ka regjistruar 17 paraqitje në Serie A këtë sezon, duke e formuar një tandem të frikshëm së bashku me Amir Rrahmanin në qendër të mbrojtjes. /Lajmi.net/