Ministri në detyrë për Evropën dhe Punët e Jashtme, Gent Cakaj, në një reagim në profilin e tij zyrtar në rrjetin social Facebook, ka shprehur falënderimet dhe konsideratat e tij më të larta për të gjitha shtetet e organizatat që qëndruan afër Shqipërisë, që prej orëve të para pas tërmetit.

Veçanërisht, Cakaj shprehet mirënjohës për përkushtimin e pakrahasueshëm, humanizmin e lartë, atdhedashurinë më të thellë dhe profesionalizmin mbresëlënës të Forcave të Sigurisë së Kosovës.

Cakaj shprehet në statusin e tij se shërbimi i Forcave të Sigurisë së Kosovës, gjatë këtyre ditëve me vështirësi të shumta e me dhimbje të pafundme në Shqipëri, do të kujtohet gjithmonë me vlerësimin më lartë.

“Në fakt, gjatë këtyre ditëve me vështirësi të shumta e me dhimbje të pafundme, e gjithë Kosova ka dhënë shembullin e një solidariteti të paparë njerëzor dhe ka dëshmuar absolutisht trajtën më të thellë të bashkëndjenjes kombëtare”, ka shkruar Cakaj ndër të tjera, përcjell lajmi.net.

Postimi i plotë i Cakajt pa ndërhyrje:

Mes konsideratave më të larta e falenderimeve më të mëdha për të gjitha shtetet e organizatat që qëndruan afër Shqipërisë që prej orëve të para pas tërmetit, përtej çdo mëdyshje, Forca e Sigurisë së Kosovës meriton mirënjohjen më të veçantë për përkushtimin e pakrahasueshëm, humanizmin e lartë e atdhedashurinë më të thellë dhe profesionalizmin mbresëlënës

?????!

Shërbimi i tyre këto ditë në Shqipëri do të kujtohet gjithmonë me vlerësimin më lartë!

Në fakt, gjatë këtyre ditëve me vështirësi të shumta e me dhimbje të pafundme, e gjithë Kosova ka dhënë shembullin e një solidariteti të paparë njerëzor dhe ka dëshmuar absolutisht trajtën më të thellë të bashkëndjenjes kombëtare.

Solidariteti e mbështetja e Kosovës kësaj rradhe mbeten frymëzues përtej asaj çka mund ta shprehë rëndom gjuha ?!. /Lajmi.net/