West Ham United ka marrë tri pikë jashtëzakonisht të rëndësishme, por edhe të vështira, në udhëtimin në ‘Stamford Bridge’, duke fituar me rezultatin minimal 0:1.

Fati i këtij takimi u vendos nga Aaron Cresswell, i cili zhbllokoi takimin pas 48 minutave të luajtura, shkruan lajmi.net.

Chelsea provoi deri në fund, por nuk arriti të gjente golin e barazimit, duke bërë kështu një tjetër hap fals në Premierligë.

Vlen të përmendet se West Ham shënoi edhe një tjetër gol, por ky gol u anulua.

Me këtë humbje, Chelsea mbetet në kuotën e 26 pikëve, për pozitën e katërt, pas 14 ndeshjeve.

West Ham në anën tjetër kanë 16 pikë, për pozitën e 13-të në klasifikimin e Premierligës. /Lajmi.net/