Suedia heq dorë nga hetimet ndaj Assange
Suedia ka vendosur të heqë dorë nga hetimi i ngritur ndaj themeluesit të Wikileaks, Julian Assange për përdhunim.
Bota
Zëvendës kryeprokurorja, Eva-Marie Persson, e njoftoi vendimin e ndërprerjes së hetimit në një konferencë për shtyp.
Lëvizja e organit suedez të akuzës vjen pas një vendimi të marrë në muajin qershor nga një gjykatë vendase që doli në përfundimin se Assange nuk duhej ndaluar.
Ai vetë i ka mohuar gjithmonë me forcë akuzat. Dy muaj më parë, Assange u dëbua nga ambasada e Ekuadorit në Londër, ku ai kishte jetuar që prej vitit 2012.
Sapo vuri këmbën jashtë ndërtesës, ai u arrestua menjëherë dhe po vuan një dënim prej dënimin 50 javësh heqje lirie në burgun e Belmarshit, në jug-lindje të Londrës, për shkelje të lirimit me kusht.
Assange po lufton sakaq edhe ekstradimin në Shtetet e Bashkuara të Amerikës, ku akuzohet për publikimin e dokumenteve sekrete.
Ekstradimin në Suedi ndërkohë, australiani 48-vjeçar kishte arritur ta shmangte për shtatë vjet falë strehimit në ambasadën e Ekuadorit në kryeqytetin britanik./tch