Rashica sërish merr vëmendjen e UEFA-s, kësaj here kur i bëri ‘hor’ bullgarët
Milot Rashica vazhdon të jetë futbollisti më i përfolur kosovar për shkak të formës fantastike që po kalon.
Sport
Ylli i Werder Bremen mori vëmendjen e të gjithë medieve ndërkombëtare, pas paraqitjes brilante që pati ndaj Bullgarisë, ndeshje që u fitua nga Kosova me rezultat 3-2.
22-vjeçari tashmë ka mahnitur edhe UEFA-në, që ka postuar një video me lëvizjen e çmendur që bëri në ndeshjen e zhvilluar në Sofje, transmeton lajmi.net.
Rashica bëri disa driblime të suksesshme në krahun e majtë gjatë pjesës së dytë, por njëra prej tyre ka rënë në syrin e shtëpisë më të madhe të futbollit evropian.
Ndryshe, futbollisti nga Vushtrria shkëlqeu në ndeshje ndaj Bullgarisë – duke shënuar golin e parë dhe më pas duke asistuar te i treti.
Dje, Milot Rashica u shpall lojtari i vitit i Werder Bremen me votat e tifozëve. /Lajmi.net/
?? Milot Rashica (number 7) & Kosovo = ??? @HisenseSports | #EURO2020 pic.twitter.com/4yP3r5FgzW
— UEFA EURO 2020 (@UEFAEURO) June 11, 2019