”Ky marsh paqësor ka për qëllim vetdijësimin e masave, e në veçanti adoleshentëve për rrugën e gabuar në të cilën po katandiset rinia jonë, si dhe për marrjen e masave dhe hapave konkret për rritjen e sigurisë dhe shtimin e përgjegjësisë kolektive ndaj dukurive të tilla shkatërruese. Le të jetë ky marsh një zë i fuqishëm i ndërgjegjësimit tonë si shoqëri, drejt ofrimit të një jete sa më të mirë për gjeneratat e reja, e po ashtu një solidarizim me familjet e viktimave, Shkëlqim Pllana dhe Aulon Zeka, në mënyrë që sado pak t’ua lehtësojmë dhimbjen për humbjen e më të dashurve të tyre në këto tragjedi”, thuhet në njoftim.

Marshi do të mbahet në Prishtinë, të enjten në ora 13:00, duke filluar nga sheshi “Zahir Pajaziti”, për të vazhduar deri te Parlamenti i Kosovës.

Plagët e rënda që mori nga goditja me thikë, ishin të papërballueshme për 17 vjeçarin, Shkëlqim Pllana, i cili vdiq ditë më parë.

Shkëlqimi ishte një i ri, i cili merrej me futboll e që nuk dihet se pse erdhi deri tek humbja e jetës së tij

Familjes Pllana nga Bakshia i vdiq djali i hasretit, përderisa dyshohet se vdekjen e tij e shkaktoi pikërisht shoku i ngushtë. Edhe ashtu doli. shoku e pranoi krimin.