Rama publikon raportin: Ja çfarë shqetëson qytetarët në administratë

Lajme

12/07/2017 16:53

Raporti, thotë Rama, është ndërtuar në bazë të kategorizimit të komenteve që qytetarët kanë shprehur në faqen zyrtare të Kryeministrit si rrëfim ndaj kërkesës së shefit të qeverisë drejtuar gjithë ndjekësve të tij në Facebook për të treguar “Eksperiencën Negative në zyrat e shtetit”.

Në rreth 3 mijë komente, duke përjashtuar kthimet e përgjigjeve mes komentuesve, komentet e përsëritura, apo postimet reklamuese, të vlefshme për kategorizim dhe analizë ishin rreth 2068 komente.

Nga këto komente, Kryeministri thotë se 310 lidheshin me sistemin e drejtësisë, ku akuza më masiv ishte ajo për tjetërsimin e pronës, zvarritjen e çështjeve dhe mosekzekutimi i vendimeve.

702 perceptime lidheshin me persona që nuk i referoheshin një përvoje konkrete personale, por thjesht me të dëgjuar. Në këto perceptime 166 janë pozitive për këtë nisme dhe e mbështesin edhe në ato raste kur shprehet skepticizëm nëse kjo hapësirë për denoncime në FB do e zgjidhë situatën. 235 komentues perceptonin që praktikat negative ekzistojnë në përgjithësi në të gjitha nivelet e administratës ndërsa 301 të tjerë e shprehnin perceptimin e tyre duke vënë gishtin tek disa institucione si më të ‘spikaturat’, ku më shpesh përmenden Hipotekat, Aluzini, Shëndetësia, Arsimi, OSHEE, Policia, dhe Punësimi pa meritë në administratën publike.

343 reagime Kryeministri i vendos në kategorinë sugjerime, grup komentesh që nuk shprehin asnjë eksperiencë personale negative por ofrojnë mendimin e tyre lidhur me prioritetet e qeverisjes, ku mbizotëron mbështetja për një reformë rrënjësore të administratës, ku bashkë me rekrutimin e njerëzve të rinj, të aftë e profesionistë duhen të vendosen paralelisht mekanizma të fortë kontrolli dhe masa të rrepta ndëshkuese.

Vendin e dytë e mbajnë sugjerimet për të vijuar me reformën e drejtësisë si e vetmja zgjidhje për të luftuar korrupsionin e për ti dhënë fund pandëshkueshmërisë së praktikave të këqia në të gjitha nivelet e qeverisjes. Një numër modest komentuesish, rreth 20, sugjeronin ofrimin e një platforme anonime për të denoncuar me emra e fakte konkrete.

Më pas janë 713 komente në total që ofrojnë, sipas Kryeministrit Rama përvojën konkrete në zyrat e shtetit.

Nga këto komente, 111 raste lidhen me shërbimet e ofruara nga pushteti vendos, që nga gjendja civile, lejet abuzive të ndërtimit dhe zvarritja e dosjeve për leje ndërtimi.

Në 98 janë denoncuar zyrat e Hipotekave për korrupsion, padrejtësi, abuzim me pronat, lëshimin e vërtetimeve dhe zvarritje.

Në 78 raste është denoncuar shëndetësia për korrupsion të mjekëve, infermierëve, mungesës së ilaçeve, neglizhencës, apo keqtrajtimit në dyert e spitaleve dhe qendrat shëndetësore.

Arsimi përmendet në 58 raste për nivelin e përgatitjes së mësuesve, pushime të padrejta nga puna, transferime abuzive dhe punësime pa meritë.

Në 54 raste përmendet ALUIZNI, ku qytetarët denoncojnë vonesa të qëllimshme të lejeve të legalizimeve dhe tjetërsim pronash në bashkëpunim me Hipotekën.

Policia përmendet në 48 raste për gjobitje padrejtësisht, komunikim joetik me qytetarët dhe mosreagim në kohë për të mbrojtur qytetarët e ndodhur në rrezik.

Për KEMP-in ka patur 44 raste për abuzime me miratimin e tij dhe për procedurat e ndjekura për përfitimin e tij.

41 herë është denoncuar OSHEE në lidhje me mbifaturimin, faturimin aforfe dhe neglizhencë në kujdesin ndaj klientit.

181 raste të tjera ndahen mes AKU, Doganave, Drejtorive të Bujqësisë, Tatimeve, Postës, Burgjeve e të tjera institucione shtetërore.

Kryeministri Rama ka publikuar gjithashtu edhe një listë me emra zyrtarësh, që janë denoncuar nga qytetarët në faqen e tij në Facebook për praktika negative në ushtrimin e detyrës.

Lista me emrat e publikuar nga Rama:

Qeverisja: